Apple ընկերությունը շահել է դատը, որտեղ նրան մեղադրում էին առցանց-երաժշտության շուկայի մենաշնորհացման մեջ՝ iPod փլեյերների եւ iTunes Store խանութի օգնությամբ, հաղորդում է «The Wall Street Journal»-ը:
Ընկերության դեմ մեղադրանք էին ներկայացրել iPod ունեցող օգտատերերը, որոնց iPod-ներից 2005-2007 թվականներին ջնջվել են այն երգերը, որոնք գնվել են ոչ թե iTunes-ից, այլ ուրիշ խանութներից:
Apple-ը դա բացատրել է օգտատերերի սարքերը հաքերային հարձակումներից պահպանելու փորձով եւ որպես ասվածի ապացույց բերել է Սթիվ Ջոբսի՝ իր ենթակաների հետ զրույցի սղագրությունը:
Եթե դատարանը մեղավոր ճանաչեր Apple-ին, այդ ընկերությունը պետք է հայցվորներին 350 մլն դոլար վճարեր: Բացի այդ, ԱՄՆ հակամենաշնորհային օրենսդրության համաձայն, ընկերությունից պիտի գանձվեր 3 անգամ ավելի շատ գումար, ընդհանուր առմամբ վճարը կկազմեր ավելի քան մեկ մլրդ դոլար:
|