Ինքնակառավարվող մեքենաներ արտադրելու նպատակով Google ընկերությունը ավտոարտադրող գործընկերներ է փնտրում։ Ծրագրային հսկան մտադիր է ավտոմեքենաները հագեցնել ծրագրային ապահովմամբ, սակայն դրանք չհավաքել գործարաններում, գրում է The Wall Street Journal-ը։
Նախագծի տնօրեն Քրիս Ուրմսոնի խոսքով՝ աշխարհում կան մի շարք ընկերություններ, որոնք գերազանց ավտոմեքենաներ են արտադրում, եւ Google-ի կողմից հիմարություն կլիներ «վերարտադրել» նրանց փորձը: Բացի այդ, մեքնենաների՝ արդեն գոյություն ունեցող մակնիշների հետ համագործակցությունը կօգնի ավտոպիլոտն օգտագործել հնարավոր առավելագույն մասշտաբներով: Ուրմսոնի խոսքով՝ նոր մեքենաների փորձարկումը տեղի կունենա 2015թ. սկզբին, հայտնում է Gazeta-ն:
|