Գլխավոր էջ » 2014 » Декабрь » 27 » Ճի՞շտ է արդյոք այն տարածված կարծիքը, թե ձին, եթե հիվանդ չէ, երբեք չի պառկում ու չի քնում
14:13
Ճի՞շտ է արդյոք այն տարածված կարծիքը, թե ձին, եթե հիվանդ չէ, երբեք չի պառկում ու չի քնում
Ճիշտ չէ: Ձին նույնքան լավ քնում է կանգնած դիրքում: Մեծ մասամբ այս կենդանին կանգնած է քնում, բայց` աչքերը կիսաբաց, որը նրան թույլ է տալիս վտանգի դեպքում արագ փախուստի դիմել: Այս տեսակ քունը շատ թեթև է, իսկ խորը քուն մտնելու համար ձին պետք է պառկի:
Ձին պառկում է միայն այն ժամանակ, երբ զգում է, որ իրեն սպառնացող վտանգ չկա, օրինակ՝ ախոռի իր բաժանմունքում կամ երամակի կենտրոնում: Այդ ժամանակ նա կարճաժամկետ` ընդամենը մի քանի րոպե տևողության, քուն է մտնում:
Երբ որ ձին կանգնած է քնում, նրա հետևի ոտքերի ծնկոսկրերը, տեղաշարժվելով բարձոսկրի վրա, այն անշարժանում են` թույլ չտալով, որ սրունքը ծալվի: Մկաններն այդ ժամանակ կարող են թուլանալ, և ձին հենվում է երեք ոտքերին` հերթագայությամբ հանգստացնելով հետևի ոտքերը: